Ikastetxeak

Zer eskaintzen dugu ikastetxeentzat?

Baserri-Eskolan erabiltzen den aurkikuntza dinamikak, gizakiaren eta inguruaren arteko erlazioetan sakontzea helburu dauka, ingurugiroko errealitatera eta honen arazoetara hurbiltze handiago baten alde lan eginez. Holan, oinarrizko gaitasun orokorrak lortzeari laguntzen dio: Arduraz bizitzen ikastea, ikasten eta pentsatzen ikastea, komunikatzen ikastea, elkarrekin bizitzen ikastea, pertsona gisa garatzen ikastea, egiten eta ekiten ikastea. Naturarekin kontaktua derreigorrezkoa da.

COLEGIOS-ikastetxeakikastetxeakIngurunearekiko harremanak honako honetaz konturatzea dakar: gizakiaren presentziak, haren jarduerek, eragiten dituen eraldaketek eta hortik sortzen diren paisaiek lurraldean eragina dute, eta giza talde guztiek izan behar dute garapena baliatzeko aukera; garapen horrek iraunkorra izan beharko du nahitaez. Ondorioz, era nabarian laguntzen zaio iraunkortasunerako hezkuntzari; izan ere, honako hauek bultzatzen dituzten trebetasunak eta gaitasunak garatzen ditu: baliabide naturalak modu arduratsuan erabiltzea, arrazoiz kontsumitzea eta mundu mailako zein belaunaldien arteko elkartasuna.bideoa: baratze:etorri eta ezagutu

Baratze Ingurugiro Heziketa Eskolan aurrera eramaten den hezkuntza lana guztiz baiezkorra da. Alde batetik, haurrentzat ezezaguna den mundu berri baten esperientzia bizi-bizia eta erakargarria suposatzen du, eta beste alde batetik, eskolan jasotzen duten hezkuntza prozesurako laguntza oso baliagarria da.

Haur guztiek behar, interes eta ikasteko era ezberdinak dituzte. Horri erantzuna emateko, egonaldiko ekintzak eta tailerrak diseinatzerako orduan Howard Gardner-en Adimen Anitzen teoria erabiltzen da

Egonaldian zehar inguru naturala izango da gure tresna garrantzitsuena adimen anitzak estimulatzeko. Aldi berean, bost zentzumenak garatzeko aukera izango dute haurrek: ikusmena, dastamena, entzumena, ukimena eta usaimena.

Umeek egonaldia bizi eta gozatzea dugu helburu nagusi. Horretarako, proposatutako ekintzetan haiek dira protagonista bakarraik, haien
autonomia eta ikaskuntza esanguratsua bultzatuz.

Guzti hau kontutan hartuz eta honez gain igarotako 30 urte baino gehiagok eta 200.000 haur baino gehiagok emandako esperientzian
oinarriturik, baita hainbat ikastetxeak hasieratik datoz; haurren egonaldia Baratzen inoiz ahaztuko ez duten abentura bihurtuko dela esan dezakegu inolako beldurrik gabe.

Baratzeko egonaldiak gure lurraldeko guztietako haurrentzako bilgunea izan nahi duen hezkuntza saioa suposatzen du. Bertan haurrek
inguru herritar eta natural ezin hobe batean barneratzeko aukera dute, ingurunea ezagutuz, errespetatuz eta zainduz.

Ekintza printzipioak benetako esanahia har dezan, Baserri-Eskola girorik onena bilakatzen da, oinarri zientifikoak beti kontutan harturik, esperimentazio zuzena egiteko aukera ematen du eta.

Bakoitzak ikasteko era bat dauka, eta hezitzaileon funtzioa gure haurrek erabiltzen dutenaz jabetzea izan behar du, hau da, haien grinak
aurkitzea. Irakasleak ez gara jakituria guztiaren jabe, izan ere, gure lana haurrak haien ikasketa prozesuan gidatzea da. Prozesu horretan umeei lagundu behar zaie haien adimen nagusiak antzematen eta horiek erabiltzen irakatsitako jakintzak hobeto bereganatzeko.
Argi dago guztiok gauza asko ikasi behar ditugula, baina ez daukagu zertan guztiok berdin egin beharrrik. Horregatik irakasgai bat irakasteko
hamaika era ezberdin egon daiteke

Baratze Baserri-Eskola Oxina baserrian aurkitzen da, Bizkaian, Gautegiz Arteagan dagoen Basetxetas auzunean eta “Urdaibaiko Babeslekua”-ren barnean.
Gure hezkuntza-esperientzia aurrera eraman ahal izateko inguru ezin hobean kokatzen gara. Oso hurbil ditugu itsasadarra, hondartzak eta
itsaspadurak, zuhaitz mota ezberdinez osaturiko basoak, mendixkak, flora eta fauna ugaria.

Gure helburu nagusiak hauek direla esan genezake:
1. Umeen adimen eta zentzumenak estimulatzea.
2. Umeen behar, interes, ezagutza eta adimen guztiei erantzuna ematea.
3. Elkarbizitzarako balioak sustatzea.
4. Naturarekiko errespetua, gozamena eta maitasuna bultzatzea.
5. Euskara/ingelera komunikazio-tresna gisa erabiltzea.

ESKOLA ORDUTEGIAREN BARRUAN: Zuen ikasleekin ikasturtean zehar bi-bost egun bitarteko egonaldiak egiteko aukera eskaintzen dizuegu. Baratzetik dena antolatzen dugu eta nahi izanez gero, irteera kulturalak eta kirol ekintzak ere egin ahal izango dituzue: Santimamiñeko Kobetara, Urdaibaiko Bird Centerrera, abentura kirolak, etabar…

ASTEBURUAK eta OPORRAK: Ikastetxeak edo Guraso Elkarteak gutxienez 45 edo 50eko taldea osatzen badu egonaldi bat antola dezakegu ostiraletik igandera edo oporretan ikastetxeko irakaslerik gabe. Guk, kasu honetan, denetaz arduratzen gara (Prezioak telefonoz galdetu: 946255606).

Gainera, badaukazue aukera egonaldietan eleaniztasuna bultzatzeko. Euskaraz eta ingelesez antolatutako tailerren bitartez .

Informazio osoa jarrain atxikituta duzue.

Dokumentuak jaitsi

ELEANIZTASUNA-MULTILINGUISMO

inskripzioa-2019-20

IKASLEEN GAUZAK ETA GURASO BAIMENA

prezioak

adimen-anitzak BARATZEN

adimen anitzak-txostena-Haur Hezkuntza

adimen anitzak-txostena-Lehen Hezkuntza

adimen anitzak-txostena-Derrigorrezko Bigarren Hezkuntza

Telefonoz fetxak gordeta dituztenentzat bakarrik

Ikastetxearen izena (beharrezkoa)

Helbidea(beharrezkoa)

Telefonoa (beharrezkoa)

Harreman pertsona (beharrezkoa)

Posta elektronikoa (beharrezkoa)

Maila bakoitzeko ikasle kopurua

Maila

Eredua


Maila

Eredua


Maila

Eredua


Ikasle kopurua guztira (beharrezkoa)

Irakasle kopurua

Irakasleen izenak

Datak (Telefonoz emandakoak)(beharrezkoa)

Bankuko agiria gehitu