BARATZE Baserri-Eskolan erabiltzen den aurkikuntza dinamikak, gizakiaren eta inguruaren arteko erlazioetan sakontzea helburu dauka, ingurugiroko errealitatera eta honen arazoetara hurbiltze handiago baten alde lan eginez. Holan, oinarrizko gaitasun orokorrak lortzeari laguntzen dio: Arduraz bizitzen ikastea, ikasten eta pentsatzen ikastea, komunikatzen ikastea, elkarrekin bizitzen ikastea, pertsona gisa garatzen ikastea, egiten eta ekiten ikastea
Ingurunearekiko harremanak honako honetaz konturatzea dakar: gizakiaren presentziak, haren jarduerek, eragiten dituen eraldaketek eta hortik sortzen diren paisaiek lurraldean eragina dute, eta giza talde guztiek izan behar dute garapena baliatzeko aukera; garapen horrek iraunkorra izan beharko du nahitaez. Ondorioz, era nabarian laguntzen zaio iraunkortasunerako hezkuntzari; izan ere, honako hauek bultzatzen dituzten trebetasunak eta gaitasunak garatzen ditu: baliabide naturalak modu arduratsuan erabiltzea, arrazoiz kontsumitzea eta mundu mailako zein belaunaldien arteko elkartasuna.
Dokumentuak ikastetxeentzat
Hurrengo zerrendan zure zalantzak argitzeko balio duten dokumentuak aurkituko dituzu: Ikasleek ekarri behar dituzten gauzak, egonaldien antolaketa eta ekintzen txostenak.
Erretserbak telefonoz egin daitezke urte osoaren zehar. Dokumentuak ikastetxeentzat buruz informazio gehiago
